經營網店開心事

客人買縮骨遮，我提佢買2把有95折，再提佢好快就會另一相似款式返貨，俾佢揀下，佢同我講原來佢唔見咗佢個仔送俾佢果把，佢能夠買得返一模一樣嘅舒服晒，我都有2個仔，如果唔見咗佢哋送俾我嘅嘢，我都一定會好唔開心！所以我幫到佢，我都覺得好開心，原來賣嘢係會幫到人！

話說我英文算係中間水平，普通對話可以的，但客人打英文同我買嘢，我都會擔心因為英文唔夠自然影響到俾人嘅感覺。有次客人問可唔可以 "pat you case"，我呆一呆，心諗係咩phrase黎架，我唔識添。。然後去Google translate, 結果係「拍拍你的案子」，我就諗住唉咩料，都係用AI 翻譯好D，冇幾耐客人話係 *pay, 再之後話係 *cash，我笑咗囉，笑我自己傻傻哋，真係冇諗過原來係typo，佢好抱歉，但我只係覺得過程好好笑，同佢講返我走去Google translate，佢都笑咗，佢話打英文快D，但又用返中文同我傾，真係好nice 💕

能夠遇到好客人，真係好幸運 😊。